កាលពីថ្ងៃទី២៤ ខែធ្នូ ឆ្នាំ២០១៤ វេលាម៉ោង១០.០០នាទីព្រឹកទៅ នៅបន្ទប់ព្រះវិហារនៃទីស្តីការក្រសួងវប្បធម៌និងវិចិត្រសិល្បៈ មានបើកកិច្ចប្រជុំគណៈកម្មការមេប្រយោគរៀបចំមហោស្រពសិល្បៈយុវជនទូទាំងប្រទេស ក្រោមអធិបតីភាព ឯកឧត្តម សំរាំង កំសាន្ត ប្រធានអង្គប្រជុំនិងជារដ្ឋលេខាធិការក្រសួងវប្បធម៌និងវិចិត្រសិល្បៈ ដែលមានការអញ្ជើញចូលរួមពី ឯកឧត្តម លោក លោកស្រី ប្រធាន អនុប្រធាន សមាជិកគណៈកម្មការមេប្រយោគរៀបចំមហោស្របសិល្បៈយុវជនទូទាំងប្រទេស បានប្រជុំពិភាក្សាលើការរៀបចំសំណួរ-ចម្លើយ Q&A ស្តីពីយុវជនដើម្បីវប្បធម៌ជាតិ សម្រាប់បេក្ខភាពប្រឡងក្នុងមហោស្រពសិល្បៈយុវជនទូទាំងប្រទេស ដើម្បីអបអរទិវាវប្បធម៌ជាតិ ៣មីនា លើកទី១៧ ឆ្នាំ២០១៥ ខាងមុខ៕