នាល្ងាចថ្ងៃទី២៧ ខែឧសភា ឆ្នាំ២០២៣ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ បានអញ្ជើញចូលរួមជាអធិបតីក្នុងកម្មវិធីការសម្តែងសិល្បៈ”ភាពសម្បូរបែបនៃចិន” ដើម្បីអបអរសាទរខួបអនុស្សាវរីយ៍លើកទី៦៥ នៃការបង្កើតទំនាក់ទំនងការទូតរវាងកម្ពុជានិងចិន និងឆ្នាំមិត្តភាពកម្ពុជា-ចិននៅសាលមហោស្រពចេនឡា។ ការសម្តែងទស្សនីយភាពនេះ មានការចូលរួមពីសិល្បករ និង សិល្បការិនី មកពីសាកលវិទ្យាល័យជនជាតិតំបន់ពាយ័ព្យចិន សាកលវិទ្យាល័យភូមិន្ទវិចិត្រសិល្បៈ និងសាលាមធ្យមវិចិត្រសិល្បៈ៕